Gazeta Si – Nuk janë më vetëm zëra. Përfshirja e Ljuis Hemiltonit në një nga korporatat që që ka bërë ofertë për blerjen e Çelsit, është reale.
“Zërat për Çelsin janë të vërteta, jam fans i futbollit, luaj që kur isha 4 vjeç, – ka thënë piloti i Mercedesit sot në Imola. – Kujtoj që 5-6 vjeç bëj tifo për Arsenalin, kurse xhaxhai im për Çhelsin. Jam një i apasionuar i këtij sporti dhe kjo është një mundësi e mirë”.
Hemilton më pas ka konfirmuar edhe përfshirjen e tenistes Serena Uilliams: “Kemi folur disa herë, kemi një raport të ngushtë. Ajo është një sportiste dhe një grua fenomenale. Më pyeti çfarë mendoja dhe unë i thashë se doja të isha edhe unë. U përfshimë të dy, nuk doja ta humbja këtë shans”, – shtoi Hemilton.
"I thought he was an Arsenal fan?" 👀
— Sky Sports News (@SkySportsNews) April 22, 2022
F1 World Champion Max Verstappen has offered his thoughts on Lewis Hamilton joining Sir Martin Broughton's consortium in a bid to buy Chelsea 👇 pic.twitter.com/CZXEYTEbvR
Maks Vershtapen, ‘armik i betuar’ i anglezit, nuk e ka humbur shansin për ta thumbuar rivalin: “Unë jam tifoz i PSV Eindhoven, nuk ëndërroj kurrë të blej Ajaksin, – deklaroi holandezi për ‘Sky Sports Uk’. – Dhe nëse do të blija një klub, do doja të kisha mazhorancën për të pasur fuqi vendimmarrëse, jo një përqindje të vogël.
Pastaj, je tifoz i Arsenalit dhe do të blesh Çelsin? Ok, njerëzit bëjnë çfarë të duan me paratë e tyre”. Afati përfundimtar për ofertat për blerjen e Çelsit ishte 15 prilli. Mes atyre që kanë marrë pjesë në këtë ankand është edhe Stiv Paliuka, i cili sapo ka blerë 55% të Atalantës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
