Gazeta Si – Shkon për francezin e Ferrarit edhe gara e tretë e Botërorit. Ai ka nisur të shkëputet në krye të klasifikimit, duke përfituar edhe nga tërheqja e kampionit në fuqi.
CHARLES LECLERC WINS THE AUSTRALIAN GRAND PRIX! 🏆
— Formula 1 (@F1) April 10, 2022
He takes home his first-ever Grand Slam victory – pole, win and fastest lap!!! 🤩#AusGP #F1 @Charles_Leclerc pic.twitter.com/3uSxV281VL
Sharl Leklerk ka dominuar edhe garën e tretë të Botërorit 2022. Ai ka fituar Çmimin e Madh të Australisë, duke regjistruar kështu suksesin e dytë sezonal. Francezi ishte i pakapshëm, ndërsa Serxhio Perez dhe Xhorxh Rasëll kompletojnë podin e garës së Melburnit.
Ishte një garë e dominuar nga piloti i Ferrarit dhe e vendosur nga tërheqja e kampionit të botës, Maks Vershtapen, në xhiron e 39-të, pasi një problemi të ‘power unit’ në makinën e tij. Ljuis Hemilton nuk shkoi më shumë se vendi i katërt në këtë garë. Pas tij kaluan finishin dy makinat MekLaren të Lando Norris dhe Riçardo.
RACE CLASSIFICATION 📊
— Formula 1 (@F1) April 10, 2022
Your points-scorers from Australia!#AusGP #F1 pic.twitter.com/RXptScN58E
Leklerk ka përjetuar një fundjavë të jashtëzakonshme në Australi, ku dominoi totalisht. Ai fitoi “pole position” të shtunën, sot fitoi edhe garën, ku gjithashtu bëri edhe xhiron më të shpejtë, duke fituar të tjera pikë. Piloti tjetër i Ferrarit, Karlos Sainz, u tërhoq në xhiron e dytë.
Pas tri garash, Sharl Leklerk udhëheq klasifikimin e përgjithshëm të pilotëve me 71 pikë. Ai dhe Ferrari këtë sezon duken në rrugën e duhur dhe ky start mjaft i mirë ka bërë që tifozët e skuderisë italiane të ëndërrojnë rikthimin në kohët e arta.
LAP 42/58
— Formula 1 (@F1) April 10, 2022
A difficult end for Max Verstappen after running in P2 for majority of the race #AusGP #F1 pic.twitter.com/iGAxuxw9ox
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
