Gazeta Si – Me një performancë të jashtëzakonshme, në sekondën e fundit Sharl Leklerk ka arritur ‘pole position’ e dytë sezonal dhe do të niset i pari në Çmimin e Madh të Australisë. Ai ka mundur me 286 të mijëtat kampionin në fuqi, Maks Vershtapen.
Nga rreshti i dytë do të nisin Serxhio Perez me makinën e dytë Red Bull dhe Lando Norris, brilant me MekLarenin e tij. Pastaj vijnë Mercedesët e Ljuis Hemiltonit dhe Xhorxh Rasëllit. Flamuri i kuq për shkak të daljes nga pista të Fernando Alonsos nuk e lejoi Karlos Sainz të bënte më mirë se vendi i 9-të.
Pole position #2 of 2022 for @Charles_Leclerc! ✌️#AusGP #F1 pic.twitter.com/rvhsAdaLoC
— Formula 1 (@F1) April 9, 2022
Në fund të një sesioni provash zyrtare, që u ndërpre dy herë nga flamuri i kuq, Leklerk dhe Ferrari kanë siguruar vendin e parë në nisje të garës së Albert Park në Melburn. Në momentin vendimtar piloti francez gjeti të mijëtat e nevojshme (286) për të lënë pas Vershtapenin dhe Perezin, çiftin e Red Bull-it, që i ka të gjitha mundësitë për t’i vënë ‘shkopinj nën rrota’.
Leklerk do të jetë i vetëm përpara, duke parë që shoku i skuadrës, Sainz, zuri vendin e 9-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
