Facebook ka publikuar pajisjen e re e cila shërben për video thirrje. Kjo pajisje e kompletuar me kamera dhe me disa karakteristika unike, është e përshtatshme vetëm për ambientet e shtëpisë tuaj. Përmes kësaj pajisje ju mund të kryeni video-biseda me të afërmit dhe këdo tjetër, kudo ku ndodhet.
Këto pajisje me ekranet me prekje quhen Portal dhe Portal +, kanë funksion të njëjtë - aftësinë për të trajtuar biseda me video, për të dëgjuar muzikë, për të parë fotot dhe për të parë video nga një sërë aplikacionesh të kufizuara - por dallohen nga gjëra të tilla si madhësia e ekranit dhe cilësia e zërit.
Kjo pajisje është prezantuar gjatë ditës së hënë , dhe është një sistem zbulimi i përdoruesit, i cili do të zmadhojë fytyrën e një personi ose do ta ndjek lëvizjet e tij nëpër dhomë.
"Privatësia është shumë, shumë, shumë e rëndësishme," tha Rafa Camargo, projektues i Portal.
“Nëse nuk i besoni butonit off, pajisja ka një mbulesë të vogël plastike, me të cilën ju mund ta mbuloni, në kohën që ju nuk e përdorni këtë pajisje.” Shtoi më tej ai
Portali më i vogël, i cili duket i ngjashëm me Echo Show të Amazon.com ka një ekran 10 inç që qëndron horizontalisht. Portali + ka një ekran 15 inç në një stendë që kthehet për të treguar ekranin në mënyrë portrete ose horizontale. Modeli më i vogël kushton 199 dollarë, ndërsa çmimi më i madh është 349 dollarë. Përdoruesit mund të blejnë dy në të njëjtën kohë për një zbritje prej 100 dollarësh, tha Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.