Pa flamur dhe kombësi, ish-numri 1 në botë i tenisit shpërthen në lot gjatë ndeshjes

Gazeta Si – Lotët e Viktoria Azarenkës, ish-numrit 1 në botë në tenisin e femrave, janë pasqyra e situatës dramatike pas konfliktit mes Rusisë dhe Ukrainës. Bjellorusja është e detyruar të garojë pa flamur dhe pa kombësi në “Indian Wells, sipas rregullave të fundit të Atp dhe Wta për sportistët rusë dhe bjellorusë.

Je viens seulement de voir la séquence entière d’Azarenka en pleurs.
C’est terrible de la voir comme ça. Elle a l’air d’être en pleine détresse. 😥😥 pic.twitter.com/Zp2svJuwdC
— Charlotte 🎾 (@MadameTennis) March 15, 2022

Tenistja u llokua papritur, teksa ishte duke bërë shërbimin në ndeshjen ndaj ruses së natyralizuar si kazake, Elena Ribakina, dhe shpërtheu në lot. Ajo humbi setin e parë 6-3, pas një faulli të dyfishtë në momentin e 2-2, dhe mbuloi fytyrën me duar dhe nisi të qante. “Më vjen shumë keq”, – i tha ajo disa herë gjyqtarit.

Pasi u qetësua, 32-vjeçarja rifilloi lojën, por nuk arriti ta përmbyste rezultatin. Pas ndeshjes, kampionia bjelloruse, që mbronte finalen e arritur vitin e kaluar në turneun kalifornian, u zhduk edhe nga rrjetet sociale. Një zgjedhje, me shumë mundësi, për mbrojtje personale ajo e fshirjes së profileve të saj në Tuiter dhe Instagram, ku është aktive çdo ditë.

"That's what life is about." 🙏❤️@vika7 shares a powerful message, calling for compassion and empathy during a time when the world needs it most.#IndianWells pic.twitter.com/v5bGU6xtkZ
— Tennis Channel International (@TennisChanneli) March 14, 2022

Edhe pse vendi i saj mbështet hapur Rusinë dhe Putinin, pas ndeshjes së parë Azarenka tregoi kurajë, duke dhënë një mesazh paqeje. “Ajo që mungon në botë është empatia. Shpresoj që njerëzit ta tregojnë atë, sepse të kujdesesh për të tjerët është e rëndësishme. Jeta kështu është dhe gjërat thelbësore të njerëzimit nuk duhet të humbin në një konflikt. Dhuna nuk justifikohet asnjëherë dhe nuk do të jetë kurrë në sytë e mi”, – tenistja 32-vjeçare. Qëndrimit të saj iu bashkua edhe kolegu rus, Andrei Rublev.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.