Policia e Korçës ka arrestuar ditën e sotme katër të rinj, pasi janë kapur me 1 kg kanabis sativa.
Në pranga janë vënë shtetasit:
Marius Avdi, 24 vjeç dhe Bledi Avdi, 27 vjeç, të dy banues në Pojan.
Denis Xhika, 29 vjeç dhe Lazjan Çifligu, 25 vjeç, të dy banues në Korçë
Arrestimi i tyre u bë pasi, në afërsi të vendit të quajtur “Kryqëzimi i Kolonjës” gjatë kontrollit të ushtruar në bagazhin e automjetit tip “BMË” me targë AA 469 EF, me drejtues shtetasin Marius Avdi dhe pasagjer shtetasin Bledi Avdi, u gjet dhe u sekuestrua në cilësinë e provës materiale 1 kg lëndë e dyshuar si narkotike Cannabis Sativa.
Nga hetimet e kryera, dyshohet se edhe dy shtetasit e tjerë janë të implikuar në këtë ngjarje.
Veprimet proceduriale të rastit u kryen nga specialistët e Seksionit të Narkotikëve, të cilët referuan materialet në Prokurorinë e Rrethit Gjyqësor Korçë për veprën penale parashikuar nga neni 283/2 i Kodit Penal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
