Perceptimin që shqiptarët kanë mungesë të plotë besimi ndaj ekonomisë e vërteton Banka e Shqipërisë përmes matjes së indeksit të besueshmërisë. Indeksi i besimit ka rezultuar i ulët si për individët, ashtu edhe për biuzneset. Sipas Bankës së Shqipërisë, treguesi i ndjesisë ekonomike rezultoi në vlerën 102.1, duke shënuar një rënie me 4.0 pikë gjatë tremujorit të tretë të vitit 2018.
Banka shpjegon se besimi i ulët ka ardhur si rezultat i ecurisë së biznesit, me 8.4 pikë përqindje, dhe në një masë më të vogël nga rënia e balancës së pritjeve për ecurinë e punësimit në tremujorin e ardhshëm me 2.2 pikë përqindje. Gjithashtu për këtë tremujor është vënë re edhe rënia e balancës së blerjeve të mëdha me 5.4 pikë përqindje. Kjo si pasojë e situatës financiare të pritur të familjes, e cila rezultoi më e ulët, me rreth 0.1 pikë përqindje, se vlera e një tremujori më parë. Ndërkohë, dy komponentët e tjerë përbërës të TBK-së, balanca e situatës së të ardhurave dhe shpenzimeve dhe situatës së përgjithshme ekonomike të pritur në vend u rritën me përkatësisht 2.3 dhe 0.4 pikë përqindje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
