Gazeta Si – Probleme serioze për makinën ‘FW44’ të Nikolas Latifit gjatë sesionit të paradites në ditën e dytë të testeve zyrtare në Bahrein. Momente frike për pilotin, por për fat të mirë incidenti kaloi pa pasoja.
Pjesa e pasme e makinës Uilliams u përfshi nga flakët në krahun e majtë të saj, më pas flakët u përhapën edhe në anën tjetër, duke shkaktuar një shpërthim, që është vënë menjëherë nën kontroll, falë ndërhyrjes së shpejtë të punëtorëve të pistës.
Në prag të nisjes së Botërorit 2022, makinat e Formulës 1 po zhvillojnë testet 3-ditore në Bahrein, pas atyre të pak javëve më parë në Montmelo. Në ditën e parë të testeve të Bahreinit më mirë është paraqitur Gasli, ndërkohë që ka pasur edhe probleme, siç është rasti i Latifit me Uilliams.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
