.png)
Themeluesi i Meta, Mark Zuckerberg ka zbuluar disa projekte ambicioze të inteligjencës artificiale, duke e përshkruar atë si “çelësin për zhbllokimin e Metaverse”.
Në një demonstrim të transmetuar drejtpërdrejt, ai krijoi një botë bazë virtuale duke përfshirë një ishull, pemë dhe një plazh duke përdorur veçorinë e AI Builder Bot.
Zuckerberg njoftoi gjithashtu një plan për të krijuar një përkthyes universal për të komunikuar në botën e metaverse.
“Aftësia për të komunikuar me këdo në çdo gjuhë është një superfuqi që është ëndërruar gjithmonë,” tha ai.
Builder Bot ishte pjesë e projektit CAIRaoke të Metës për të përmirësuar asistentët e AI dhe për të lejuar “AI të shohë botën nga përvoja jonë” ndërsa njerëzit hynë në realitetin virtual përmes kufjeve ose syzeve, tha Zuckerberg.
Zuckerberg premtoi se sistemet e AI që drejtojnë botët virtuale të Metës do të ruajnë privatësinë dhe do të jenë transparente dhe të përgjegjshme.
Facebook ka investuar në AI për 10 vitet e fundit dhe ka një nga ekspertët kryesorë në botë, Yann LeCun si kreun e AI.
Në janar LeCun njoftoi se kishte ndërtuar një superkompjuter të ri të AI që synon të jetë më i shpejti në botë kur të përfundojë në mesin e 2022.
Facebook ndryshoi emrin në Meta në tetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
