.png)
Gjeologët ende nuk mund të thonë me siguri nëse diamanti i madh i quajtur Enigma u kristalizua në Tokë apo ra nga hapësira dhe ndoshta për enigmën që mbart, ky diamant është blerë 4.28 milionë dollarë nga një blerës anonim.
Diamanti është 555 karat dhe njihet si diamanti më i madh në botë.
Shitja e këtij diamanti të çuditshëm ka rindezur një debat të madh se nga erdhi ai, i nxitur nga teoria e diskutueshme se ai mund të ketë ardhur nga hapësira.
Enigma dhe të gjithë diamantet e tjerë karbonados u formuan në një ngjarje misterioze rreth 3.8 deri në 2.6 miliardë vjet më parë. I zi, i errët dhe plot prerje të dukshme, karbonadot kanë një kombinim unik të veçorive fizike dhe kimike, ndryshe nga çdo diamant tjetër i njohur.
Ato gjenden vetëm në dy rajone të botës, në Brazil dhe në Republikën e Afrikës Qendrore dhe çuditërisht mund të rriten.
Megjithatë, deri vonë, karbonadot njiheshin jo për bukurinë e tyre, por për forcën e tyre. Ndryshe nga diamantet tradicionale, karbonadot përbëhen nga një rrjet i ndërthurur kristalesh, i cili jep rezistencë shtesë ndaj thyerjes. Karbonadot janë përdorur si pjesë shpuese që mund të shpojnë gurë të fortë dhe në rrota që mprehin veglat.
Çuditë e shumta të Karbonados kanë çuar në një mori teorish rreth origjinës së tyre.
“Nuk ka asnjë model të vetëm që shpjegon gjithçka”, thotë Wuyi Wang, nënkryetar i kërkimit dhe zhvillimit në Institutin Gemologjik të Amerikës, i cili certifikoi Enigmën si një karbonadë natyrale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
