.png)
Chrome ka vendosur të ndryshojë logon për herë të parë që nga viti 2014 dhe nëse shikoni me kujdes, mund të jeni në gjendje të shihni se çfarë është ndryshe. Elvin Hu, një projektues për Google Chrome, ofron një vështrim të parë në ridizajnimin e logos në Twitter.
Në vend të përfshirjes së hijeve në kufijtë midis secilës ngjyrë, tani e kuqja, e verdha dhe jeshilja janë thjesht të sheshta. Dhe megjithëse nuk përmendet nga Hu, rrethi blu në mes duket se është më i madh.
Ngjyrat në logo duken më të gjalla (ndoshta për shkak të largimit të hijeve nga ekipi i dizajnit), por ka një ndryshim tjetër që është e vështirë të vihet re.
Ekipi i dizajnit i Google zbuloi se “vendosja e nuancave të caktuara të gjelbër dhe të kuqe pranë njëra-tjetrës krijonte një pamje të pakëndshme ngjyrash”. Për ta rregulluar këtë dhe për ta bërë ikonën “më të aksesueshme”, ata vendosën të përdorin nuanca shumë delikate për të parandaluar çdo problem ngjyrash.
Logoja kryesore e Chrome nuk do të duket e njëjtë as në të gjitha sistemet. Në ChromeOS, logoja do të duket më shumëngjyrëshe për të plotësuar ikonat e tjera të sistemit, ndërsa në macOS, logoja do të ketë një hije të vogël. Ndërkohë, versioni i Windows 10 dhe 11 ka një gradient më dramatik në mënyrë që të përshtatet me stilin e ikonave të tjera të Windows. Hu thotë se do të filloni ta shihni ikonën e re tani nëse përdorni Chrome Canary (versioni i zhvilluesit të Chrome), por ajo do të fillojë të shpërndahet për të gjithë të tjerët gjatë muajve të ardhshëm.
Nga viti 2008 e deri më tani, logoja e Chrome është bërë gradualisht më e thjeshtë. Ajo që filloi si një emblemë e shndritshme, tre-dimensionale është shtypur në një simbol 2D të modernitetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
