Policia ka arrestuar autorin e vrasjes së 36-vjeçarit në Dibër. Gjatë orëve të natës, policia ka arritur të gjejë vendndodhjen e autorit të dyshuar të vrasjes së ndodhur në datë 30.09.2018.
Në pranga është vënë shtetasi Aleksandër Balla, 23 vjeç, banues në fshatin Muhur.
Nga veprimet hetimore të kryera dyshohet se Aleksandër Balla, gjatë një konflikti për motive të dobëta në një lokal në fshatin Arras në bashkëpunim me vëllanë e tij Vangjel Balla ( i arrestuar) kanë vrarë me thikë shtetasin I. Z, 36 vjeç, banues në fshatin Sinë, njësia Administrative Arras.
Materialet hetimore do t’i kalojnë Prokurorisë Pranë Gjykatës së Shkallës së Parë Dibër për veprën penale “Vrasje me paramendim”, kryer në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
