.png)
Rafael Nadal arrin për herë të shtatë në karrierë në gjysmëfinale të Australian Open. Ai mundi mes drithërimash Denis Shapovalov, me rezultatin 6-3, 6-4, 4-6, 3-6 dhe 6-3.
Për numrin 5 në botë nuk ishte aspak një shëtitje, siç mund të mendohej para ndesshjes. Nadal e filloi mirë dhe shkoi në 2-0 me sete, por u barazua nga kanadezi. Megjithatë, spanjolli qëndroi i fortë dhe në setin e pestë tregoi gjithë potencialin e tij, duke u kualifikuar për në gjysmëfinale.
Te femrat, Ashlei Barti tregoi një formë të jashtëzakonshme në fitoren 6-2, 6-0 ndaj Xhesika Pegula, duke fluturuar në gjysmëfinale. Numri 1 në botë e rriti lojën dhe ndëshkoi amerikanen, duke shfrytëzuar çdo centimetër të fushës. Barti do të ndeshet tani me një Medison Kejs të rilindur pas fitores 6-3, 6-2 kundër çekes Barbora Krejçikova.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
