.png)
Pas njoftimit të ministres Evis Kushi për ndërprerjen e procesit mësimor për 3 ditë për shkak motit të ftohtë, qeveria ka zyrtarizuar vendimin për të lënë pushim njërin nga prindërit kujdestarë të fëmijëve, që frekuentojnë/ndjekin ose jo çerdhet, arsimin parashkollor dhe arsimin bazë.
Bëhet fjalë për ata prindër që janë nëpunës civilë dhe punonjës të tjerë të administratës publike, të nivelit qendror e vendor, si dhe në institucionet e tjera shtetërore.
Kështu, prindërit me fëmijë të mitur lejohen të qëndrojnë në shtëpi pa pasoja administrative dhe financiare gjatë ditëve kur nuk do të ketë shkollë.
Në vendim e qeverisë, thuhet që prindërit mund të punojnë edhe nga shtëpia, nëpërmjet tele-punës.
Një thirrje i bëhet të gjithë punëdhënësve privatë që të gjejnë mundësitë për trajtimin me pushim të punëmarrësve të tyre.
Për shkak temperaturave të ulëta deri që -17 gradë celsius në zona të thella, Ministria e Arsimit njoftoi më herët se do të mbyllen shkollat në të gjithë vendin për 3 ditë.
Bëhet fjalë, nga data 24-26 janar, nga e hëna në të mërkurë, duke sqaruar se orët e humbura do të zëvendësohen.
Ministrja e Arsimit Evis Kushi, sqaroi këtë të hënë se shkollat nuk po mbyllen për shkak të problemit me sistemin e ngrohjes, por për shkak të rrezikut që haste nxënësi nga shtëpia në shkollë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
