.png)
Shpërthimi i vullkanit Hunga Tonga-Hunga Ha’apai, stërvitjet ushtarake në Ukrainë, Novak Gjokovic që largohet nga Australia dhe festimet e Epifanisë Ortodokse… Këto janë imazhet më të mira nga e gjithë bota këtë javë /The Guardian
Donetsk, Ukrainë
Një snajperist merr pjesë në stërvitjet ushtarake në terren të forcave të armatosura ukrainase në rajonin e Donetsk. Rusia filloi lëvizjen e trupave këtë javë drejt fqinjit verior të Ukrainës, Bjellorusisë, për stërvitje të përbashkëta ushtarake, në një lëvizje që ka gjasa të rrisë frikën në Perëndim se Moska po përgatitet për një pushtim të Ukrainës. Fotografia: Anna Kudriavtseva/Reuters
Londër, Angli
Protestuesit demonstrojnë përballë Downing Street në Londër. Mijëra njerëz marshuan për të protestuar kundër ligjit për policinë, krimin, dënimin dhe gjykatat. Seksione të projekt-ligjit janë dënuar nga aktivistët e të drejtave të njeriut si një sulm ndaj të drejtës për të protestuar, me aktivistët që argumentojnë se, pa ndryshime, e drejta për protestë paqësore mund të frenohet me legjislacion. Fotografia: Andy Rain/EPA
Oqeani Paqësor
Një kombinim i imazheve satelitore të marra nga Himawari-8, një satelit japonez i motit i operuar nga Agjencia Meteorologjike Japoneze, tregon shpërthimin e vullkanit Hunga Tonga-Hunga Ha’apai. Fotografia: Instituti Kombëtar i Teknologjisë së Informacionit dhe Komunikimit/AP
Tonga
Një pamje nga një avion P-3K2 Orion i një zone të mbuluar me hi vullkanik pas shpërthimit të vullkanit Hunga Tonga-Hunga Ha’apai. Qeveria Tongane ngriti shqetësime për ishujt e vegjël Mango dhe Fonoifua, të cilët të dy pësuan dëme katastrofike nga cunami dhe shpërthimi i vullkanit. Të gjitha shtëpitë ishin shkatërruar në ishullin Mango, dhe vetëm dy mbetën në Fonoifua. Fotografia: Forca e Mbrojtjes së Zelandës së Re/AFP/Getty ImagesMelburn, Australi
Tenisti serb Novak Gjokoviç largohet nga hoteli Park në Melburn pasi i është anuluar viza nga qeveria australiane. Gjokovic u deportua nga Australia përpara Australian Open pasi gjykata e federale hodhi poshtë ofertën e Raketës Numër 1 të botës për të rivendosur vizën e tij. Fotografia: Diego Fedele/Getty ImagesMelburn, Australi
Simona Halep e Rumanisë shënon një rikthim kundër Magdalena Frech të Polonisë gjatë ndeshjes së tyre teke për femra në ditën e dytë të Australian Open. Fotografia: Martin Keep/AFP/Getty ImagesNju Delhi, Indi
Ushtarët marrin pjesë në një provë për paradën e ardhshme të Ditës së Republikës në Nju Delhi. Fotografia: Sajjad Hussain/AFP/Getty ImagesShejh Jarrah, Jerusalem
Një grua shikon rrënojat e një shtëpie palestineze të shkatërruar nga Bashkia e Jerusalemit në lagjen Sheikh Jarrah. Policia izraelite ka dëbuar banorët palestinezë nga prona e diskutueshme dhe ka rrënuar ndërtesën. Fotografia: Mahmoud Illean/AP
Tullamore, Irlandë
Një instrumentiste qan gjatë funeralit të Ashling Murphy, mësueses dhe muzikantes 23-vjeçare që u mbeti viktimë e një sulmi absurd teksa ishte duke bërë vrap, pranë kishës së Shën Brigidit në Mountbolus. Mijëra vetë u mblodhën për të bërë nderimet e tyre të fundit në kishën dhe sallën e komunitetit të këtij qyteti të qetë, të tronditur nga vdekja e Murphy. Fotografia: Clodagh Kilcoyne/ReutersAmsterdam, Holandë
Njerëzit qethen në skenë, teksa orkestra në Concertgebouw, Amsterdam, bën prova. Muzetë, teatrot dhe sallat e koncerteve holandeze u bënë strehë këtë javë për bizneset që u lejohet të hapen për klientët, në shenjë proteste kundër mbylljeve të tyre të vazhdueshme për shkak të pandemisë. Fotografia: Peter de Jong/APBudgam, Indi
Fozia dhe Tasleema, punonjës të kujdesit shëndetësor në Kashmir, mbajnë vaksina ndërsa ecin në një rrugë të mbuluar me borë pasi i kanë bërë një dozë një gruaje të moshuar gjatë një turi vaksinimi Covid-19 në Budgam, në Kashmirin e kontrolluar nga indianët. Fotografia: Dar Yasin/APBudgam, Indi
Një grua e moshuar nga Kashmiri, Arsha Begum, merr vaksinën Covishield nga Fozia, një punonjëse e kujdesit shëndetësor, gjatë një turi vaksinimi Covid-19 në Budgam. Fotografia: Dar Yasin/AP
Dungeness, Angli
Refugjatët presin oficerët e imigracionit pasi mbërrijnë në
Dungeness me një gomone të fryrë nga Franca.
Si pjesë e ‘Operation Red Meat’ – politika që konsiderohen si të dizajnuara për të shpëtuar qeverinë e Boris Johnson – parashikohet që marinës britanike së shpejti do t’i jepej përgjegjësia kryesore për përballimin e refugjatëve që kalojnë Kanalin e La Manshit, duke e hequr përgjegjësinë nga sekretarja e brendshme britanike Priti Patel dhe zyra e saj. Fotografia: Dan Kitwood/Getty ImagesKabul, Afganistan
Një grua e veshur me burka ecën përgjatë një rruge drejt shtëpisë së saj pasi mori bukë falas të shpërndarë si pjesë e fushatës “Save Afghans from Hunger” në Kabul. Fotografia: Wakil Kohsar/AFP/Getty Images
Los Anxhelos, Kaliforni, SHBA
Një tren mallrash i Union Pacific kalon përgjatë një pjese binarësh
të mbushur me mbeturina nga paketat e vjedhura nga kontejnerët
e ngarkesave të grumbulluara në vagonët hekurudhor në Los
Anxhelos. Në një letër të dhjetorit drejtuar prokurorit të qarkut të
Los Anxhelosit, George Gascon, Union Pacific tha se kishte përjetuar një rritje prej mbi 160% të vjedhjeve e grabitjeve të hekurudhave në qarkun e Los Anxhelosit që nga dhjetori 2020 dhe se mesatarisht, më shumë se 90 kontejnerë rrezikoheshin çdo ditë. Fotografia: Mario Tama/Getty ImagesUashington, DC, SHBA
Në një fotografi me ekspozim të gjatë, dritat e borëspastrueses kalojnë ndanë memorialit të Martin Luther King Jr në Uashington. Ceremonitë e planifikuara për të hënën, për të shënuar festën kombëtare të Martin Luther King Jr, janë anuluar për shkak të motit të keq. Fotografia: Carolyn Kaster/APNew York City, SHBA
Punëtorët heqin një pjesë të një statuje të Theodore Roosevelt që qëndronte pranë hyrjes së Muzeut Amerikan të Historisë Natyrore që nga viti 1940. Muzeu hoqi statujën e Roosevelt-it duke ecur me kalë mbi një indian amerikan dhe afrikano-amerikan pas kundërshtimeve se ishte një simbol i kolonializmit. Fotografia: Caitlin Ochs/ReutersCallao, Peru
Punëtorët pastrojnë vajin nga plazhi Cavero në lagjen Ventanilla të Callao. Derdhja e naftës në bregdetin peruan u shkaktua nga valët e shpërthimit të vullkanit nënujor në Tonga në Paqësorin Jugor. Fotografia: Martín Mejía/APSeul, Koreja e Jugut
Një burrë, me maskë dhe me çadër në dorë, shëtit në parkun qendror në Seul. Fotografia: Lee Jin-man/AP
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
