.png)
Nivelet e larta të qelizave T nga koronaviruset e zakonshme të ftohjes mund të ofrojnë mbrojtje kundër COVID-19, sipas një studimi nga Kolegji “Imperial” në Londër të botuar të hënën, i cili mund të shërbejë për vaksinat që synojnë qelizat T.
Imuniteti kundër COVID-19 është një pamje komplekse dhe ndërsa ka prova të zvogëlimit të niveleve të antitrupave gjashtë muaj pas vaksinimit, qelizat T besohet se luajnë një rol jetësor në sigurimin e mbrojtjes.
Studimi, i cili filloi në shtator 2020 pa nivelet e qelizave T-reaktive të gjeneruara nga ftohjet e mëparshme të zakonshme në 52 raste pozitive të COVID-19 menjëherë pas ekspozimit, për të parë nëse ata vazhduan të zhvillonin infeksion.
Ai zbuloi se 26 persona që nuk zhvilluan infeksion kishin nivele dukshëm më të larta të këtyre qelizave T sesa njerëzit që u infektuan. Studimi nuk e përcaktoi se sa do të zgjaste mbrojtja nga qelizat T.
“Ne zbuluam se nivelet e larta të qelizave T para-ekzistuese, të krijuara nga trupi kur infektohen me koronaviruse të tjerë njerëzorë si ftohja e zakonshme, mund të mbrojnë kundër infeksionit COVID-19,” tha autori kryesor i studimit Rhia Kundu.
Bashkëautorë të tjerë të raportit të botuar në “Nature Communications”, shtuan se proteinat e brendshme të virusit SARS-CoV-2 të cilat synohen nga qelizat T mund të ofrojnë një objektiv alternativ për prodhuesit e vaksinave.
Vaksinat aktuale të COVID-19 synojnë proteinën në sipërfaqe të virusit, e cila ndryshon rregullisht, duke krijuar variante të tilla si Omicron që pakësojnë efikasitetin e vaksinave kundër infeksionit simptomatik.
“Në të kundërt, proteinat e brendshme të synuara nga qelizat T mbrojtëse që identifikuam mutojnë shumë më pak”, tha profesor Ajit Lalvani.
Sipas tij rrjedhimisht ato janë shumë të konservuara midis varianteve të ndryshme SARS-CoV-2, duke përfshirë Omicron. Ai shpjegon se vaksinat e reja që përfshijnë këto proteina të brendshme të konservuara do të nxisnin përgjigjet e përgjithshme mbrojtëse të qelizave T që mund të ofrojnë mbrojtje kundër varianteve aktuale dhe të ardhshme nga Sars-Cov-2.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje