.png)
Dy doza të vaksinës Pfizer të COVID-19 janë shumë mbrojtëse ndaj një gjendjeje të rrallë, por shpesh serioze tek fëmijët që shkakton inflamacion të organeve pas infeksioneve me COVID-19. Sipas një raporti të Qendrave të SHBA për Kontrollin dhe Parandalimin e Sëmundjeve, vaksina u vlerësua të ishte 91% efektive në parandalimin e Sindromës Inflamatore Multisistematike tek Fëmijët (MIS-C) tek moshat 12 deri në 18 vjeç.
MIS-C shkakton inflamacion tek organet jetësore të fëmijëve, duke përfshirë zemrën, mushkëritë, veshkat dhe trurin dy deri në gjashtë javë pas një infeksioni të lehtë ose asimptomatik.
Raporti bazohet në vlerësimin e 283 pacientëve të shtruar në spital të moshës 12-18 vjeç në 24 spitale për fëmijë në 20 shtete midis korrikut dhe fillimit të dhjetorit, kur prevalenca e variantit të koronavirusit Delta ishte e lartë.
Të 38 pacientët me MIS-C pas infektimit me Covid-19 gjetjet treguan se ishin të pavaksinuar.
Rezultatet i shtohen një numri në rritje të provave se vaksinimi kundër COVID-19 ka të ngjarë të parandalojë ndërlikimet e lidhura me sëmundjen tek fëmijët, duke përfshirë MIS-C. Nuk dihej më parë nëse vaksina Pfizer/BioNTech e parandalonte gjendjen.
“Gjetjet e studimit kanë disa kufizime, duke përfshirë pyetjet në lidhje me efektivitetin e vaksinës kundër variantit Omicron me i transmetueshëm”, thuhet në raportin e publikuar në faqen kryesore të CDC
Fëmijët e moshës 5-11 vjeç janë në rrezikun më të lartë për sëmundjen MIS-C, por nuk ishin të përfshirë në këtë analizë.
Burimi:Reuters/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje