.png)
Zjarret që po shkatërrojnë Koloradon kanë shkatërruar ditët e fundit më shumë se 500 shtëpi në SHBA. Këtë e bëri të ditur sherifi i qarkut Boulder, Joe Pelle, duke theksuar se shteti po vuan nga një thatësirë historike.
“Ne e dimë se rreth 370 shtëpi në nënndarjen Sagamore janë shkatërruar. Është e mundur që 210 të tjera të jenë shkatërruar në Old Toën Superior”, – shpjegoi ai gjatë një konference për shtyp.
Të paktën 648 hektarë gjelbërim u përfshinë nga zjarri në Boulder County, me flakët që mbërritën edhe në hotele dhe qendra tregtare.
“Do të doja të theksoja shtrirjen dhe intensitetin e këtij zjarri dhe praninë e tij në një zonë kaq të populluar: nuk do të habiteshim nëse do të kishte të lënduar apo të vdekur”, paralajmëroi Sherifi Pelle.
Shërbimi Kombëtar i Motit, e quajti atë një situatë “kërcënuese për jetën”. Zyrtarët besojnë se disa nga zjarret mund të jenë shkaktuar nga linjat e rrëzuara të energjisë. Guvernatori Jared Polis shpalli gjendjen e jashtëzakonshme, sipas gazetës amerikane “USA Today”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
