.png)
Autoritetet shëndetësore të SHBA shkurtuan kohën e rekomanduar të izolimit për amerikanët me raste asimptomatike të COVID-19 në pesë ditë nga udhëzimi i mëparshëm prej 10 ditësh.
Qendrat për Kontrollin dhe Parandalimin e Sëmundjeve thanë gjithashtu se personat asimptomatikë pas izolimit duhet të mbajnë pesë ditë maskën edhe në ambientet e jashtme apo kur janë prezentë në grupe të mëdha.
Ai rekomandoi gjithashtu një karantinë pesë-ditore për ata që janë të ekspozuar ndaj virusit, të cilët janë të pa vaksinuar ose janë mbi gjashtë muaj jashtë dozës së dytë të mRNA. Periudha e karantinës duhet të pasohet nga përdorimi i rreptë i maskës për pesë ditë të tjera.
“Rekomandimet e përditësuara të CDC për izolimin dhe karantinën balancojnë atë që dimë për përhapjen e virusit dhe mbrojtjen e ofruar nga vaksinimi dhe dozat përforcuese,” tha në një deklaratë Drejtoresha e CDC Rochelle Walensky.
Omicron përbën 73% të infeksioneve të koronavirusit në SHBA, tha CDC javën e kaluar.
Infeksionet e reja po rriten në mesin e popullatës plotësisht të vaksinuar, përfshirë ata që kanë marrë një dozë të tretë. Megjithatë, Omicron duket se po shkakton simptoma më të buta tek ata njerëz, e disa prej të tyre edhe nuk kanë simptoma.
Zvogëlimi i rekomandimit të karantinës 10-ditore të CDC-së do t’i ndihmonte njerëzit asimptomatikë të kthehen në punë ose në shkollë, me masat e duhura. Në udhëzime thuhet gjithashtu se individët që kanë marrë vaksinën e tyre përforcuese nuk kanë nevojë të karantinohen pas një ekspozimi, por duhet të mbajnë një maskë për 10 ditë.
Burimi:Reuters/Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje