.png)
Administrata Amerikane e Ushqimit dhe Barnave(FDA) ka miratuar pilulën antivirale të Merck për COVID-19 për pacientë me rrezik të lartë, një ditë pasi i dha një miratim edhe pilulës nga Pfizer.
FDA ka deklaruar se ilaçi i Merck mund të përdoret kur trajtimet e tjera të autorizuara nuk janë të aksesueshme ose klinikisht të përshtatshme.
Ilaçi, molnupiravir u zhvillua me kompaninë farmaceutike Ridgeback Biotherapeutics dhe studimet treguan se redukton shtrimet në spital dhe vdekjet me rreth 30% në një provë klinike të individëve me rrezik të lartë në ditët e para të simptomave.
Autorizimi lejon përdorimin e ilaçit për pacientët në gjendje të lehtë deri në të moderuar. Sipas ekspertëve së bashku me pilulën antiirale të Pfizer mund të jetë një mjet i rëndësishëm kundër variantit Omicron që përhapet më shpejtë.
FDA thotë se disa pacientë duhet të shmangin regjimin e dy barnave të Pfizer sepse ai përfshin një antiviral më të vjetër të quajtur ritonavir që dihet se ka ndërveprime me disa ilaçe të tjera me recetë. Gjithashtu nuk rekomandohet për personat me probleme të rënda të veshkave, kështu Merck tek këta individë mund të funksionojë më mirë.
Merck tha se trajtimi i saj kishte përparësi ndaj pilulës Pfizer.
"Nuk kërkon ndonjë medikament të dytë për të rritur efikasitetin e tij dhe ju mund ta jepni tek të gjithë njerëzit, duke përfshirë njerëz që kanë probleme të rëndësishme me funksionin e mëlçisë ose funksionin e veshkave," tha Nick Kartsonis,një ndër drejtuesit shkencor të Merck për klinikën.
FDA gjithashtu ka autorizuar trajtime intravenoze, kryesisht për përdorim spitalor, të quajtura antitrupa monoklonale, por disponueshmëria është e kufizuar dhe efikasiteti kundër variantit Omicron është më i ulët.
Eksperti i FDA-së, John Farley tha gjatë një konference për shtyp se ilaçi i antitrupave GlaxoSmithKline dhe Vir Biotech të cilët kanë treguar efikasitet edhe kundrejt Omicron pritet të jetë në mungesë këtë dimër kështu që pilulat antivirale janë tepër të rëndësishme.
Reuters/Përshtati në shqip Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
