.png)
Banori më i ri në Shtëpinë e Bardhë është një qenush pastor gjerman, që i është dhuruar presidentit të SHBA-ve, Joe Biden më 20 nëntor, në ditëlindjen e tij të 79-të, nga vëllai i tij James dhe kunata Sara.
I parë tashmë ditët e fundit teksa po vraponte nëpër kopsht, ai quhet “Komandant” dhe u prezantua zyrtarisht nga pronari i tij i famshëm me një video të shpërndarë rrjetin social Twitter.
Meet the newest Biden. pic.twitter.com/JHAbH53iRk
— President Biden (@POTUS) December 20, 2021
“Mirë se erdhe në shtëpi komandant”, thuhet në video. I lindur më 1 shtator, ai nuk është qeni i parë i racës gjermane që i bashkohet familjes. Në vitin 2018, Biden dhe Zonja e Parë Jill, adoptuan gjithashtu Major, qenin e parë në pronësi të çiftit presidencial.
Në prill, ai ishte kthyer nga “1600 Pennsylvania Avenue”, pasi kishte kaluar një periudhë trajnimi diku tjetër për kafshimin e një oficeri sigurie, por më pas, siç konfirmohet nga burimet zyrtare, u transferua përsëri “në një mjedis më të qetë nga miqtë e familjes”.
Në qershor, megjithatë, Champ, qeni për të cilin çifti ishte më pasionuar, kishte ngordhur. Ai ishte 13 vjeç dhe në fakt, tashmë vendin e tij e ka zënë i sapoardhuri.
Në orët e fundit, një zëdhënës i Jill, konfirmoi se një mace do të mbërrijë në shtëpinë e Biden në janar. Presidenti shpreson se është një ogur i mirë në funksion të një viti që premton të jetë vendimtar për mandatin e tij, midis zgjedhjeve të mes-mandatit të planifikuara për 1 nëntor 2022 dhe një beteje të vështirë kundër variantit ‘Omicron’ për t’u luftuar me vaksina.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
