.png)
Marka më e madhe e qumështit në Korenë e Jugut është detyruar të kërkojë falje për një reklamë që përshkruan femrat si lopë.
Videoja e Seoul Milk tregon një burrë duke filmuar fshehurazi një grup femrash në një fushë, të cilat më vonë kthehen në lopë.
Pasi u përball me një reagim publik, kompania hoqi videon nga YouTube, por që atëherë ajo është bërë virale pasi është ri-ngarkuar nga përdoruesit e internetit.
Disa e krahasuan sjelljen e burrit edhe me “molka”, praktikë e paligjshme e filmimit fshehurazi të njerëzve.
“Ne kërkojmë falje sinqerisht për të gjithë ata që nuk ndiheshin rehat me reklamën e qumështit të lëshuar më 29 muajin e kaluar”, tha kompania e Seoul Milk.
Klipi fillon me një burrë me një aparat fotografik që endet nëpër fshat. Kur ai shkel aksidentalisht një degëz, ajo i tremb femrat që ndodheshin në një lëndinë që befas shndërrohen në lopë.
Reklama përfundon me fjalët “Ujë i pastër, ushqim organik, qumësht Seuli 100% i pastër. Qumësht organik nga një fermë organike në natyrën e këndshme të Cheongyang”.
Kompania ka deklaruar se do të zhdukë çdo gjurmë të kësaj reklame dhe do të jetë shumë e kujdesshme në vijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
