.png)
Varianti Omicron i virusit ka të ngjarë të ketë marrë një pjesë të materialit gjenetik nga një virus tjetër, ndoshta ai që shkakton ftohjen e zakonshme, i pranishëm në të njëjtat qeliza të infektuara, sipas studiuesve.
Kjo sekuencë gjenetike nuk shfaqet në asnjë version të mëparshëm të koronavirusit, të quajtur SARS-CoV-2, por është i kudondodhur në shumë viruse të tjerë, përfshirë ato që shkaktojnë ftohjen e zakonshme.
Kjo mund të nënkuptojë se virusi transmetohet më lehtë, ndërsa shkakton vetëm simptoma të buta ose asimptomatike. Shkencëtarët nuk e dinë ende nëse Omicron është më infektues se variantet e tjera, nëse shkakton sëmundje më të rënda apo nëse do të kalojë Delta si varianti më i përhapur. Mund të duhen disa javë për të marrë përgjigje për këto pyetje.
Sipas studimeve të mëparshme, qelizat në mushkëri dhe në sistemin gastrointestinal mund të mbajnë njëkohësisht SARS-CoV-2 dhe viruset e zakonshme të ftohjes. Një bashkë-infeksion i tillë krijon skenën për rikombinimin viral, një proces në të cilin dy viruse të ndryshëm në të njëjtën qelizë pritës ndërveprojnë ndërsa bëjnë kopje të tyre, duke gjeneruar kopje të reja që kanë një material gjenetik nga të dy "prindërit".
“Ky mutacion i ri mund të kishte ndodhur fillimisht te një person i infektuar me të dy patogjenët kur një version i SARS-CoV-2 mori sekuencën gjenetike nga virusi tjetër”, shkruhet në studime.
E njëjta sekuencë gjenetike shfaqet shumë herë në një nga koronaviruset që shkakton ftohje te njerëzit, i njohur si HCoV-229E dhe në virusin HIV që shkakton SIDA.
Afrika e Jugut, ku u identifikua për herë të parë Omicron, ka shkallën më të lartë në botë të HIV-it, i cili dobëson sistemin imunitar dhe rrit ndjeshmërinë e një personi ndaj infeksioneve me viruse të ftohjes së zakonshme dhe patogjenë të tjerë. Në atë pjesë të botës, ka shumë njerëz tek të cilët mund të ketë ndodhur rikombinimi që shtoi këtë grup të kudondodhur gjenesh në Omicron.
"Ne ndoshta na kanë munguar shumë gjenerata të rikombinimeve" që ndodhën me kalimin e kohës dhe që çuan në shfaqjen e Omicron, thotë Venky Soundararajan, studiues në Kembrixh.
Nevojiten më shumë kërkime për të konfirmuar origjinën e mutacioneve të Omicron dhe efektet e tyre në funksion dhe transmetueshmëri. Ndërkohë, tha Soundararajan, gjetjet e reja nënvizojnë rëndësinë e vaksinimit për COVID-19.
“Duhet të vaksinoheni për të reduktuar shanset që njerëzit e tjerë, të cilët janë të rrezikuar, të përballen me virusin SARS-CoV-2”, tha Soundararajan.
Burimi: Reuters. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
