SPAK ka dërguar në gjykatë dosjen ndaj ish-kandidatit të LSI-së për deputet, Etion Joka, pasi akuzohet për korrupsion në zgjedhjet e 25 prillit.
SPAK thotë se Joka akuzohet se i ka ofruar një shumë prej 100 dollarësh Elis Babos në këmbim të sigurimit të votave. Në pranga ka rënë edhe vetë Elis Babo, i akuzuar për kryerjen e veprës penale, “korrupsioni pasiv në zgjedhje”.
Ndaj Jokës është ngritur akuza për korrupsion aktiv në zgjedhje, ndërkohë Babo do të akuzohet për korrupsion pasiv. Joka u arrestua në 16 tetor të këtij viti 6 muaj pasi ishte shpallur në kërkim nga policia.
Ai u filmua në një video duke premtuar para për blerjen e votave në Tiranë. Joka u shfaq me zë në një video të publikuar, teksa i jep 100 dollarë një qytetari që ishte angazhuar të mbledhë vota për LSI-në. Po ashtu, në të njëjtën video, Babo vijonte pazaret ku premtonte punësim për qytetarin pas zgjedhjeve.
Në një regjistrim tjetër, kandidati i LSI është filmuar teksa i mëson qytetarit që e filmon si të votojë, pasi i ka dhënë paratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.