Karim Benzema, sulmuesi i njohur i Real Madridit dhe Francës, është dënuar me një vit burg me kusht për çështjen “sextape”. Francezi është shpallur fajtor për përfshirjen në tentativën për të shantazhuar ish-shokun e skuadrës, Mathieu Valbuena, i cili u bë çështje për një video suksuale.
Sentenca është e Gjykatës së Versajës, që gjithashtu e ka dënuar futbollistin edhe me një gjobë prej 75 mijë eurosh. Benzema nuk ka marrë pjesë në procesin gjyqësor dhe nuk ishte i pranishëm kur është lexuar sentenca.
Real Madrid sot është i impenjuar në Ligën e Kampionëve, ku luan me Sherif Tiraspolin. Për momentin nuk ka pasur asnjë reagim as nga sulmuesi francez dhe as nga avokati i tij. Çështja ”sextape” shpërtheu disa vite më parë, kur Valbuena e akuzoi Benzemanë për shantazh me anë të videos seksuale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
