Ndonjëherë mjafton një gjest i momentit për të treguar vlerat njerëzore më shumë se ato sportive. Në Gjermani ka ndodhur së fundi një episod i tillë, që ka bërë bujë, me protagonist italianin Vinçenco Grifo.
Frajburgu i tij pësoi humbjen e parë në shtëpi në Bundesligë, por Grifo ka dalë gjithsesi fitimtar nga ndeshja dhe të gjithë në Gjermani e kanë duartrokitur për gjestin e madh të “fair-play”-it. Kur rezultati ishte 0-2 për Eintrahtin, në minutën e 55-të, sulmuesi ndihmoi arbitrin Badstuebner për të marrë vendimin korrekt, duke ia bërë të qartë se nuk ishte prekur nga kundërshtari.
“Nuk ndjeva që ai të më kishte goditur, kështu që desha t’i shpjegoj arbitrit se nuk ishte penallti. Dua të jem i ndershëm, – ka thënë pas ndeshjes për DAZN futbollisti i Frajburgut. – Edhe pse ai rast mund të na ndihmonte, ne duam të fitojmë në mënyrë të ndershme”.
Arbitri, që sipas rregullores duhej ta ndëshkonte Grifon për simulim, e vlerësoi gjestin e tij dhe hoqi dorë nga ndëshkimi me karton të verdhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
