Elseid Hysaj luajti 90 minuta në humbjen 0-2 që Lacio pësoi në fushën e vet nga Juventusi. Vendosën dy penallti të kthyera në gol nga mbrojtësi Leonardo Bonuçi, i cili i ka dhënë kështu Juventusit një fitore shumë të rëndësishme.
Mbrojtësi kuqezi luajti në krahun e djathtë të mbrojtjes dhe ishte ndër më të mirët për skuadrën e tij. Paraqitja e shkodranit në këtë ndeshje është vlerësuar me notën 6 nga specialistët në Itali, ndërkohë që pjesa më e madhe e lojtarëve të Lacios ka marrë notën 5, apo 5.5.
Portieri Tomas Strakosha, edhe pse u fol se do të ishte në fushë nga minuta e parë, qëndroi gjithë kohën në stol.
Në fushë për 90 minuta ka qenë edhe mbrojtësi tjetër i Kombëtares, Berat Gjimshiti. Atalanta e tij mundi thellë, 5-2, Specian e Rei Manajt. Gjimshiti, që mungoi në Kombëtare në dy ndeshjet e fundit, bëri një paraqitje shumë të mirë dhe u vlerësua me notën 6.5. Ai vjen nga dëmtimi në krah dhe po arrin gradualisht formën optimale. Manaj luajti si zëvendësues në pjesën e dytë, por pa mundur të lërë gjurmë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
