Rikthehet sot kampionati pas ndërprerjes për shkak të ndeshjeve të Kombëtares dhe Kupës së Shqipërisë në mesjavë. Abissnet Superiore luan javën e nëntë, që fillon sot me dy sfidat Vllaznia-Kastrioti dhe Partizani-Laçi.
Shkodranët vijnë në këtë ndeshje të lehtë në letër pas tri zhgënjimesh radhazi. Ata nuk kanë fituar asnjë nga tri ndeshjet e fundit, ku kanë marrë vetëm 1 pikë ndaj Egnatias dhe janë mundur nga Kukësi dhe Tirana. Një goditje e rëndë kjo për një skuadër me pretendime për titullin, siç është Vllaznia, ndaj dhe fitorja ndaj Kastriotit është domosdoshmëri.
Partizani gjeti fitoren e parë në këtë kampionat në javën e tetë, edhe sot duhet të ecë me të njëjtin hap, sepse në të kundërt do ta ketë të pamundur të rikuperojë pikët e lëna deri tani. Me vetëm 8 pikë, të kuqtë qëndrojnë ende në katet e poshtme të tabelës së klasifikimit, kështu që nuk u falet as barazimi.
Trajneri Ilir Daja një ditë më parë ka akuzuar për padrejtësi në garë, sepse rivalëve të Partizanit u është lënë më shumë kohë për ndeshjet e kësaj jave. Ai ka sot një skuadër më të plotë, ku është rikuperuar Ergys Kaçe, ndërsa kapiteni Alban Hoxha mbetet në dyshim për shkak dëmtimi.
Kampionatin e kryeson Tirana me 20 pikë, e ndjekur nga Kukësi me 14 pikë dhe Teuta me 12 pikë.
Abissnet Superiore, java e 9-të
Sot
Vllaznia-Kastrioti (16:45)
Partizani-Laçi (19:45)
Të dielën
Teuta-Skënderbeu
Të hënën
Dinamo-Egnatia
Kukësi-Tirana
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
