Presidenti i Barcelonës, Joan Laporta, ditën e prezantimit të Dani Alvesh ka ngacmuar zemrat e tifozëve katalanas, kur ka thënë se nuk përjashton as rikthimin e Andres Injiestës dhe Lionel Mesit.
Pas emërimit të Ksavit në stolin e Barcelonës dhe rikthmit të Dani Alveshit, te Barcelona duket se nuk kanë në plan t’i japin fund operacionit nostalgjik. “Një rikthim të Mesit dhe Injiestës? Nuk e përjashtoj, – ka thënë presidenti Joan Laporta. – Kjo gjë ka ndodhur me Danin, mund të ndodhë edhe me ata.
Ka personalitete që e kanë bërë klubin të madh dhe Leo dhe Andres janë dy lojtarë spektakolarë. Nuk mund ta parashikoj të ardhmen, ata po luajnë ende. Kanë qenë të mëdhenj te Barcelona dhe e kanë bërë klubin edhe më të madh. Janë lojtarë me një kontratë në fuqi me klube të tjera dhe kjo gjë duhet respektuar, por në jetë nuk i dihet asnjëherë”.
Pasi ka kthyer në ekip një 38-vjeçar si Dani Alvesh, Laporta nuk ua ka mbyllur derën dy ish-katalanasve Mesi dhe Injiesta, aktualisht te PSG dhe Visel Kobe, edhe pse në 2022-shin ata do të mbushin respektivisht 35 dhe 38 vjeç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
