Valentino Rosi, kampioni i madh italian i Moto Gp, zhvilloi sot në Valencia garën e fundit të karrierës, të cilën e mbylli në vend të 10-të. Ishte një ditë speciale për pilotin legjendar, të njohur nga të gjithë si “Doktori”.
Ovacione të mëdha për Rosin në momentin që kaloi finishin, ndërkohë që të gjithë pilotët e tjerë e kanë nderuar në pistë, ndërsa një mori personazhesh të sportit dhe jo vetëm i kanë dërguar përshëndetjet e rastit. Italiani ka festuar gjatë me skuadrën e tij në bokse.
Karriera e Valentinor Rosit është vërtet brilante, shumë e shumë pilotë janë frymëzuar nga ajo çka ai bënte në pistë. Italiani është një nga pilotët më popullorë të Moto Gp. Ai ka zhvilluar 370 gara në karrierë, ka fituar 89 prej tyre, kurse në pod ka qenë plot 199 herë. Sot ishte momenti për t’i thënë lamtumirë motoçiklizmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
