.png)
Një nga lumenjtë më të shenjtë të Indisë u mbulua me shkumë toksike të hënën e 8 nëntorit, duke shtuar shqetësimet e banorëve të Nju Delhit që tashmë po durojnë një mbulesë smogu të dendur mbi kryeqytet.
Yamuna është tashmë një nga rrugët ujore më të ndotura në vend, por pjesë të lumit, që rrjedh nëpër qendrën e Delhit, ishin të veshura me tuma shkumë të bardhë që i ngjante reshjeve të borës.
Kjo nuk i pengoi disa adhurues hindu që të zhyten në lumë për të shënuar Chhath Puja, një festival katër-ditor për t’i ofruar lutje diellit.
Por ndotja prishi furnizimin me ujë në një pjesë të qytetit, sipas zyrtarëve lokalë, të cilët nuk thanë se sa familje ishin prekur.
Zyrtarët indianë janë zotuar prej kohësh të pastrojnë Yamuna-n, por pa sukses, dhe lulëzimi i shkumës toksike është bërë një dukuri vjetore.
Një raport i qeverisë i vitit 2020 zbuloi se cilësia e ujit në lumë ishte bërë “kritikisht më keq” gjatë pesë viteve të fundit.
Delhi dhe rrethinat e tij janë përfshirë gjithashtu nga smogu i dendur dhe i rrezikshëm që nga java e kaluar.
Nivelet e grimcave të dëmshme PM 2.5 kanë kaluar në 400 në disa zona, që është 16 herë më e lartë se kufiri ditor i sigurt i vendosur nga Organizata Botërore e Shëndetësisë.
Burimi: The JP
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
