.png)
Ka shkuar në dy numri i të arrestuarve si të dyshuar për vrasjen e biznesmenit Ruzhdi Hoxha. Policia e Tiranës thotë se ka vënë në pranga vëllain e autorit të dyshuar të krimit, Pajtim Rrushi 42-vjeç.
I ndaluari, dyshohet nga grupi hetimor si bashkëpunëtor i vëllait të tij në vrasjen e biznesmenit 43-vjeçar nga Paskuqani.
Po sipas policisë, Rrushi dyshohet dhe si porositësi dhe organizatori i kultivimit të bimëve narkotike në fshatin Ballenj, që u zbulua në 31 tetor gjatë kontrolleve për biznesmenin dhe nga ku u arrestuan A.D dhe G.K.
Pajtim Rrushi akuzohet për veprat penale “Veprime që pengojnë zbulimin e të vërtetës” dhe “Fshehje ose asgjësim i kufomës“, i dyshuar si bashkëpunëtor në “varrosjen” e trupit të biznesmenit në zonën e Dajtit.
Ndërkohë që Fredi Rrushit i është komunikuar në burg akuza për vrasje, kultivim droge dhe fshehje të kufomës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
