Ish-sulmuesi i Kombëtares, Armando Sadiku, ka fituar gjyqin në CAS ndaj ish-klubit të tij në Turqi, Erzurumsporit. Futbollisti shqiptar u largua nga ky klub në janar të 2021-shit dhe tani luan me Las Palmas në Spanjë.
Sadiku e çoi në FIFA çështjen e pagesës që i detyrohej klubi turk dhe tashmë CAS-i ka marrë vendimin, që është në favor të sulmuesit shqiptar. Erzurumspori ka një afat prej 45 ditësh për t’i shlyer Sadikut shumën e 70 mijë eurove dhe 20% interes për shkak të vonesës në pagesë.
Sadiku e paditi klubin turk në FIFA për shumën në fjalë, më pas çështja vazhdoi në CAS, ku u çua nga klubi turk, që tashmë ka humbur në të gjitha shkallët dhe duhet të likuidojë lojtarin, sepse në të kundërt do të ketë pasoja më të rënda, deri në bllokim të merkatos për tre sesione, siç ndodh në të tilla raste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
