.png)
Të gjithë kanë luajtur me tollumbace një lojë që ka vetëm një rregull: Mos ta lësh të prekë tokën dhe tani kjo ka Kupën e Botës, zyrtarisht.
Po, tashmë ekziston dhe “Kupa e Botës me Tollumbace”.
Turneu i parë, i organizuar nga Barcelona dhe ish-qendërmbrojtësi spanjoll Gerard Piqué u zhvillua të enjten në Tarragona, Spanjë, me Francesco de la Cruz që doli kampjoni i parë botëror i tullumbaceve.
Turneu u zhvillua në një fushë 8mx8m, ku kishte mobilje të dhomës së ndenjes dhe një makinë të vogël si pengesa.
“Ishte mirë, është një gjë krejtësisht e ndryshme. Ndonjëherë njerëzit duhet të dalin nga zona e rehatisë dhe të provojnë diçka të re”, tha Pique.
Turneu u frymëzua nga një seri videosh virale nga familja Arrendondo në Oregon, SHBA, ku vëllezërit Antonio, Diego dhe Isabel luajtën lojën gjatë izolimit të Covid-19 dhe postuan video në Tik-Tok.
Antonio dhe Diego janë bashkuar për të marrë pjesë në Kupën e Botës me ekipe nga 32 vende.
“Ne e luanim këtë lojë kur ishim fëmijë dhe në fillim të karantinës menduam ta rikthejmë”, tha Antonio.
Ai tregon se në fillim ziheshin me njëri-tjetrin sepse nuk e kuptonin kujt i binte i fundit tollumbaci në tokë dhe prandaj filluan të bënin video për ta parë më mirë.
“Një natë thashë ok, do postoj në TikTok një nga videot dhe kur u zgjova të nesërmen në mëngjes, ishte krejtësisht virale, një milion pëlqime. Pastaj vendosa të vazhdoj të luaj derisa një nga raundet tërhoqi vëmendjen e Pique”, thotë Antonio.
Në finale dolën De La Cruz dhe Jordan Spieth nga Gjermania ku De La Cruz fitoi 6-2.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
