Tirana është kthyer në një vatër infeksioni të Covid-19. Klubi kryeqytetas u vu lë alarm, pasi tre pjesëtarë të tij, futbollistët Erjon Hoxhallari dhe Marsel Ismailgeci, si dhe fizioterapisti Arzen Voci, dolën pozitivë gjatë testeve të kryera në grumbullimin e Kombëtares dhe Shpresave.
Futbollisstët e tjerë të kësaj skuadre dhe stafi teknik kanë kryer tamponë në klinika private të mërkurën dhe ka dyshime të forta se mund të jenë infektuar edhe Majkëll Ngo, Taulant Seferi, Aldo Gjumsi dhe përgatitësi atletik Kosta Jani, të cilët kanë shfaqur shenjat dalluese të Covid-19, si temperaturë dhe lodhje fizike. Klubi ndërkohë nuk ka mbajtur asnjë qëndrim zyrytar në lidhje me këtë situatë.
Nëse edhe këta 4 pjesëtarë të bardhebluve konfirmohen me Covid-19, atëherë Tirana shndërrohet vërtet në një vatë infeksioni dhe mund të rrezikojë ndeshjen e radhës. Pak ditë më parë kryeqytetasit luajtën në kampionat me Laçin, ku Hoxhallari dhe Isamilgeci ishin titullarë, kështu që edhe kurbinasit duhet të kryejnë testet sa më parë. Aktualisht kampionati ëhstë ndërprerë për shkak të ndeshjeve të Kombëtares.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
