Paris Saint-Zhermein i Naser Al-Khelaifit mund të ketë shumë shpejt një rival të ri në futbollin francez dhe jo vetëm. Një rival që do të financohet nga Kamboxhia. Norodom Raviçak, nipi i ish-mbretit të Kamboxhias, Norodom Sihanouk, ka pohuar në një intervistë të fundit se dëshiron të blejë Saint-Etienin.
Për “RFI” princi ka deklaruar: “Po, është e vërtetë që jam kandidat për të blerë klubin e Saint-Etienit në Francë. Dhe nuk e bëj këtë për të kryer një tranzicion financiar. Dua të investoj për një kohë të gjatë dhe ta ngre Saint-Etienin në nivele të larta.
Nëse do të arrijmë marrëveshjen, do të orfoj gjithë mjetet e nevojshme financiare për të përmbushur ambiciet e këtij klubi dhe për ta kthyer Saint-Etienin në lavdinë e dikurshme”. Klubi francez ka në fakt 10 tituj kampion në palmaresin e tij, por nuk arrin ta fitojë këtë trofe prej sezonit të largët 1980-1981. Trofeu i fundit i fituar nga Saint Etieni është Kupa e Ligës, në vitin 2013.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
