.png)
Një memorial është ngritur për Gabby Petito jashtë “The Monarch”, një restorant në Ogden, Utah, ku ajo postoi foton e saj të fundit në Instagram.
Në një postim në Facebook, organizatori i memorialit Jack McMahon tha se edhe pse Petito nuk ishte nga Utah, ajo pa bukurinë e atij vendi dhe “duke qenë se fotografia e saj e fundit është bërë pikërisht në këtë vend, ne vendosëm të nderojmë kujtimin e saj”.
Petito, një Youtuber e njohur u raportua e zhdukur nga familja e saj më 11 shtator, 10 ditë pasi i dashuri i saj Brian Laundrie u kthye në shtëpinë e familjes së tij në North Port, Florida, pa të.
Menjëherë lajmi bëri xhiron e botës dhe të gjithë u fokusuan në gjetjen e saj.
Familja e saj tha se ata folën për herë të fundit me Petito në fund të gushtit. Fotografia e fundit e Petito në Instagram ishte ajo duke mbajtur një kungull para “The Monarch”. U postua më 25 gusht dhe mbishkrimin “Gëzuar Halloween-in”.
Të martën, FBI konfirmoi se mbetjet e gjetura pranë Parkut Kombëtar Grand Teton ishin të Petito dhe se vdekja e saj ishte një vrasje.
Autoritetet janë ende në kërkim të Laundrie, i cili ishte zhdukur që nga 14 shtatori, sipas familjes së tij. Ai është i dyshuari kryesor për vrasjen e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
