.png)
Seanca e parë parlamentare për këtë sesion është pritur me interes nga mediat dhe opinioni publik,. për shkak se opozita u rikthye në Kuvend pas 30 muajsh mungesë nga djegia e mandateve.
Deputetët e Kuvendit për këtë sesion parlamentar kanë respektuar orarin e nisjes së seancës, e cila u hap nga deputetja më e vjetër në moshë, Luljeta Bozo. Gjatë seancës që nuk zgjati shumë, ajo ka lexuar emrat e të gjithë deputetëve të zgjedhur.
Protagonisti i ditës ka qenë pa dyshim ish-kryeministri Sali Berisha, i cili pas përjashtimit nga grupi i PD për shkak të vendimit të DASH që e ka shpallur “non grata”, është ulur në radhën e parafundit në Kuvend si deputet i pavarur.
I pranishëm në seancë ka qenë edhe kryeministri Rama, i cili është ulur në anën e majtë të sallës. Sigurisht nuk kanë munguar as deputetët e Lëvizjes Socialiste për Integrim, të drejtura nga kryetarja Monika Kryemadhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje