Trajneri Reja ka zhvilluar sot një seancë stërvitore me të tijtë, në kuadër të ndeshjes me Poloninë, që luhet më 2 shtator. Grupi ka qenë thuajse i plotë, pasi kanë mbërritur edhe lojtarët e impenjuar me klubet e tyre ditën e diel.
Mungesa e vetme ishte ajo e Marash Kumbullës, i cili ka mbërritur në mbrëmje vonë në Varshavë. Ishte një seancë në kushte të vështira atmosferike, pasi gjatë gjithë kohës ka rënë shi. Gjithesesi, trajneri Reja dhe stafi i tij e kanë zhvilluar programin stërvitor, që ka pasur ushtrime kryesisht taktike.
Veç grupit ka punuar sulmuesi Ernest Muçi, një nga risitë e listës së Kombëtares për tri ndeshjet e shtatorit. Asnjë nga lojtarët nuk ka pasur probleme fizike dhe trajneri Reja është i qetë në këtë drejtim. Tashmë ai ka të gatshëm edhe Bajramin, me të cilin pritet që skuadra të jetë më kreative.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
