.png)
Versionet e rreme të pasaportave të vaksinimit kanë filluar të qarkullojnë në Itali vetëm pak ditë pas hyrjes në fuqi të rregullave të reja.
Një rrjet që shiste dëshmi të rreme të vaksinimit, shërimit ose testimit antiCOVID është prishur, thanë autoritetet policore, duke nënvizuar se kanë identifikuar katër të dyshuar, përfshirë dy të mitur
“Mijëra përdorues u regjistruan në platformat e njohura të komunikimit ku u ofruan për shitje pasaporta false të vaksinimit me një garanci absolute të anonimitetit, për t’u paguar në kriptovaluta ose kupona për platformat e blerjeve online, me një çmim midis 150-500 €” , tha policia
Pasaporta e vaksinimit sipas rregullave të BE-së, u bë e detyrueshme të premten në Itali për tu futur në kinema, muze, vende sportive dhe restorante, kudo në ambiente të brendshme.
Pasaporta duhet të tregojë se ai që e disponon duhet të ketë marrë të paktën dy doza vaksine, janë shëruar nga Covid-19 brenda gjashtë muajve të fundit, ose kanë rezultuar negativë në 48 orët e fundit.
Pasaporta do të kërkohet në trena dhe autobusë me distanca të gjata pas 1 shtatorit, dhe do të jetë i detyrueshëm për stafin e shkollës dhe studentët e universitetit.
Hetimi i policisë erdhi pasi 20 milionë italianë shkarkuan pasaportat e vaksinimit në tre ditët e fundit, sipas ministrit të shëndetësisë Roberto Speranza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
