.png)
Pas rritjes së numrit të rasteve të reja me Covid, si pasojë e variantit Delta, Gjermania ka ndryshuar rregullat e hyrjes në vendin e saj.
Ambasada gjermane në Tiranë, përmes një postimi në rrjetin social Facebook, iu bën thirrje të gjithë qytetarëve, që të njihen me kushtet e reja, duke filluar nga testi për koronavirusin, te dëshmia e vaksinimit ose dëshmia e shërimit nga virusi.
Kështu, nga data 1 gusht të gjithë udhëtarët, për të hyrë në Gjermani, tani do të kenë nevojë për një test që tregon se pasagjeri nuk është i prekur me koronavirus, dëshmi të vaksinimit ose dëshmi të shërimit nga Covid-19.
Gjermania deri tani njeh katër vaksina, Pfizer-BioNTech, Moderna, AstraZeneca dhe Johnson&Johnson, ndaj çdo qytetar duhet të sigurohet që të jetë i vaksinuar me një prej tyre që të lejohen të udhëtohet drejt këtij vendi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
