.png)
Triumfi në Euro 2020 është ende i freskët në mendjen e të gjithëve dhe, siç është theksuar shumë herë, është një sukses grupi. Për këtë arsye, presidente i Italisë, Serxho Matarela, ka nderuar me tituj honorifikë lojtarët, stafin teknik dhe presidentin e federatës, Gabriele Gravina. Të gjithë futbollistët tani janë "Kalorës".
Vlerësimet dhe nderimet e presidentit Matarela për kombëtaren italiane nuk u mjaftuan me takimin zyrtar pas kthimit të Italisë nga Anglia, por janë kompletuar me një çmim të fundit. Njoftimi ka ardhur nga presidenca dhe përfshin të gjithë ata që kanë zbritur në fushë, figura të ndryshme që kanë ndihmuar trajnerin Mançini dhe presidentin e federatës italiane, Gabriele Gravina.
"Presidenti i Republikës, Serxho Matarela, ka nderuar lojtarët dhe stafin në shenjë mirënjohjeje për vlerat sportive dhe shpirtin kombëtar që kanë treguar në fitimin e Euro 2020. Kreu i shtetit i ka dhënë titullin e “Zyrtarit të Lartë” presidentit të federatës, Gabriele Gravina, trajnerit Roberto Mançini, Gabriele Orialit dhe Xhanluka Vialit, atë të “Zyrtarit” për kapitenin e skuadrës Xhorxho Kielini, dhe titullin e “Kalorësit” për të gjithë futbollistët", - shkruhet në njoftimin zyrtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
