.png)
Ka reaguar për herë të parë sulmuesi i ri i Anglisë, Bukajo Saka, i cili humbi penalltinë vendimtare në finalen e Euro 2020 ndaj Italisë. Ai ishte një nga tre lojtarët që gabuan nga pika e bardhë për Anglinë, bashkë me Sanço dhe Rashford, dhe që më pas u sulmuan në rrjetet sociale nga tifozët e “Tre Luanëve”.
"Nuk ka vend për racizëm dhe urrejtje në futboll dhe në çdo fushë tjetër të jetës. Dhe kur pjesa më e madhe e njerëzve do të bashkohet për të denoncuar ata që dërgojnë këto mesazhe dhe do ta largojë urrejtjen me xhentilesë, do të fitojmë. Dashuria fiton gjithmonë”, - shkruan Saka në rrjetet sociale, duke thyer heshtjen disa ditë pas humbjes në “Wembley” dhe sulmeve raciste online.
Saka pastaj drejton gishtin kundër platformave sociale, sidomos ndaj Tuiterit dhe Facebook-ut: "Nuk dua që asnjë fëmijë apo i rritur të shohë mesazhet e urrejtjes që kemi marrë këtë javë unë, Markus dhe Xhadon. E dija se çfarë trajtimi do të më bëhej dhe është një realitet i trishtë që platformat sociale nuk bëjnë asgjë për t’u dhënë fund këtyre mesazheve. E ndjej që i kam zhgënjyer të gjithë, por ju premtoj se nuk dorëzohem përballë gjithë këtyre gjërave negative që kam parë ditët e fundit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
