Në orët e para të mëngjesit të së dielës, në lagjen “28 nëntori” të qytetit të Vlorës është djegur një automjet i tipit “Mercedes-Benz”. Automjeti ka qenë i parkuar, kur është shkrumbuar nga flakët. Zjarrfikësja ka mbërritur në ngjarje për të shuar flakët, pasi është lajmëruar nga banorët e lagjes, por makina është djegur plotësisht.
Policia e Vlorës ka nisur një hetim për këtë ngjarje. Dyshimet e para janë për zjarrvënie të qëllimshme. Automjeti me targë AA007EP rezulton të jetë në pronësi të një 27-vjeçari me iniciale R.B. Hetimet e mëtejshme pritet të hedhin më shumë dritë për këtë ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
