.png)
Ministria e Bujqësisë ka njoftuar se Shqipëria është e pastër nga sëmundja e gripit të shpendëve që ka kapur disa vende.
Në një deklaratë për mediat nga kjo ministri thuhet se është rritur monitorimi i situatës në popullatën e shpendëve dhe janë hartuar masa mbrojtëse, duke ndaluar hyrjen në vend të shpendëve nga zonat ku është shfaqur sëmundja.
“Aktualisht Shqipëria është pastër nga kjo sëmundje dhe për të mbrojtur territorin e vendit, nga kjo sëmundje, dhe prodhimin vendas, strukturat e shërbimit veterinar shtetëror kanë marrë masat e nevojshme ashtu si edhe për cdo sëmundje tjetër. Në këtë mënyre është rritur monitorimi i situatës epizootike në popullatën e shpendëve dhe janë hartuar masa mbrojtëse kufizuese të nevojshme duke ndaluar hyrjen në vend të importeve të shpendëve nga zonat e vendeve ku është shfaqur sëmundja”, thuhet në njoftimin e Ministrisë së Bujqësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
