.png)
Një ditë pas rihapjes së hetimeve për vrasjen e Aleks Nikës dhe Hekuran Dedës në 21 janar 2011, edhe djali i Faik Myrtajt kërkon hetime të thelluara për babanë e tij. Në një prononcim për mediat, Myrtaj është shprehur se shpreson që çështjen e babait të tij ta marrë në dorë SPAK.
“Për dy personat që është hapur dosja e 21 janarit, në dijeninë time për Aleks Nikën nuk ka pasur një hetim të thelluar dhe mesa kam marrë vesh ky është një hetim që ka bërë kërkesë policia. Shpresoj që çështjen e Aleks Nikës si dhe tre personave të tjerë ta marrë SPAK-u në dorë, – tha Renato Myrtaj. – Ne thjesht kemi bërë kërkesën në Gjykatën e Lartë. Akoma nuk kemi marrë përgjigje. Pres që çështjen ta marrë SPAK. Kjo është shpresa ime.
Djali i një prej katër viktimave para 1o vjetësh në protestën e opozitës te kryeministria, pohon se kësaj çështje do t’i shkohet deri në fund.
“Është çështje kohe dhe duhet besim që kësaj çështje do t’i shkohet deri ne fund. E kam thënë edhe më parë themelet e reformës në drejtësi sapo janë vendosur dhe kini besim të gjithë që kësaj çështje do t’i shkohet deri në fund”, – shton ai.
Të enjten, Prokuroria e Tiranës ka vendosur të rihapë hetimet për vrasjen pa autor të Aleks Nikës dhe Hekuran Dedës më 21 janar 2011 në bulevardin “Dëshmorët e Kombit” në Tiranë.
Objekt i këtij hetimi janë dhe plagosja e dy shtetasve që janë qëlluar me armë por që nuk janë paraqitur në spital por janë larguar jashtë.
Sipas Prokurorisë, ekzistojnë prova të reja të cilat mund të zbardhin vrasjet e mbetura pa autor. Çështja është regjistruar një muaj më parë me akuzën e “vrasjes në rrethana të tjera cilësuese”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje