.png)
A qeshin kafshët? Sigurisht që po, sipas studiuesve. Kjo u zbulua nga primatologu dhe antropologu Sasha Winkler dhe profesori i komunikimit Greg Bryant në “University of California, Los Angeles” (SHBA), në një artikull të publikuar në revistën “Bioacoustics“.
Duke kërkuar përmes literaturës shkencore për temën në fjalë, dyshja e shkencëtarëve, zbuluan se e qeshura është e përhapur në të paktën 65 specie. Kafshët përfshinin lopë, qen shtëpie, foka, dhelpra, mangulla dhe disa zogj.
Bryant, në lidhje me këtë deklaroi: “Kjo punë ilustron mirë, se si një fenomen që dikur konsiderohej veçanërisht njerëzor, rezulton të jetë i lidhur ngushtë me sjelljen e përbashkët me speciet e ndara nga qeniet njerëzore për dhjetëra miliona vjet”.
Kafshët, përmes vokalizimeve të ngjashme me të qeshurat tona, komunikojnë argëtim, dëshirë për ndarje dhe lojë. Dhe ata nganjëherë i përdorin ato për të zvogëluar agresivitetin e ndonjë rivali.
Vokalizimet e lojërave tek gjitarët e tjerë, shpesh përfshijnë tinguj të karakterizuar nga fishkëllima, gulçim dhe të qeshurat njerëzore, kanë evoluar nga këto sinjale dëgjimore për t’u bërë ato që janë sot. Sipas studiuesve, e qeshura jonë është në fakt versioni njerëzor i një sinjali në një lojë vokale antike.
“Kur qeshim, shpesh i informojmë të tjerët se po argëtohemi dhe ftojmë të tjerët të bashkohen gjithashtu. Disa studiues, kanë sugjeruar që kjo lloj sjellje vokale, ndahet nga shumë kafshë që luajnë, dhe si e tillë, e qeshura është versioni ynë njerëzor i një sinjali të vjetër vokal të lojës vokale”, – shtojnë ata.
Sipas Winkler dhe Bryant, ka ndoshta shumë më tepër kafshë që qeshin se sa njihen aktualisht, por meqenëse tingulli mund të jetë më i qetë për disa prej tyre, bëhet e vështirë për t’i dalluar ato.
Sidoqoftë, ata janë të bindur se kushtimi i vëmendjes specieve të tjera për të kuptuar formën dhe funksionin e të qeshurit njerëzor, ka një rëndësi thelbësore për të kuptuar evolucionin e sjelljes sociale njerëzore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
