.png)
Vijojnë humbjet e jetës nga bluzat e bardha si pasojë e koronavirusit.
Bëhet fjalë për infermieren Nurie Bace, 59 vjeçe, e cila nuk ka mundur ta fitojë betejën me virusin e rrezikshëm.
E ndjera punonte prej vitesh në qytetin e Lushnjës.
Lajmin e ka bërë të ditur Urdhri i Infermierit, i cili në një reagim në Facebook thotë se “një tjetër infermier u largua nga armata”.
“Me hidhërim njoftojmë ndarjen nga jeta të infermieres nga Lushnja , Zj.Nurie Bace, 59 vjeçe, e prekur nga covid-19.
Dashuria për profesionin , shërbimi me profesionalizëm, virtyte që e shoqëruan në cdo çast të punës së saj me pacientet
Në emër të Urdhrit të Infermierit të Shqipërisë iu shprehim ngushëllime të sinqerta familjarëve dhe kolegëve”, thuhet në njoftim.
Ndërkohë, në fillim të këtij muaji, humbën jetën brenda 24 orësh tre infermierë nga Covid 19.
Viktimat ishin Nerim Vaçi infermier në Mat, një infermiere nga Lushnja me emrin Erjola dhe Lindita Peshku nga Tirana, infermiere në Poliklinikën Nr.1të konsultorit të fëmijës në kryeqytet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
