.png)
Komuniteti i volejbollit në Itali vazhdon të tregojë solidaritet ndaj Lara Lugli, volejbollistes që u bë çështje ditët e fundit në vendin fqinj. Solidaritet jo vetëm nga skuadrat e femrave, por edhe të meshkujve.
Volejbollistja pak kohë më parë kërkoi pagesën nga klubi i Pordenones, që më pas hapi një çështje gjyqësore ndaj saj, duke e akuzuar sportisten për sjellje në kundërshtim me kontratën, konkretisht sepse ishte shtatzënë. Lara pak muaj më pas e humbi fëmijën dhe e gjitha kjo situatë solli reagime të forta nga bota e sportit dhe në veçanti e volejbollit.
Në momentin e përshëndetjes së skuadrave para ndeshjeve të Kupës së Italisë, volejbollistet dhe volejbollistët janë rreshtuar në parket me topin poshtë fanellës. Një gjest që dëshmon mbështetjen e Larës nga sportistët, të cilët kërkojnë gjithashtu mbrojtje më të madhe kontraktuale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
