.png)
Japonezët u lutën për sigurinë e tyre dhe të familjeve të tyre të dielën duke ecur zbathur me murgjit Budistë mbi qymyr të ndezur në një festival vjetor pranë Malit Takaosan.
Ecja në zjarr ishte më e vështirë se zakonisht sepse pjesëmarrësve u kërkohej të vendosnin maska dhe të mbanin distancimin social për shkak të pandemisë.
Në festival gjithashtu morën pjesë vetëm 1000 pjesëmarrës.
“Kalimi i trupit nëpër flakë pastron shpirtin dhe i dërgon lutjet Budës”, tha Koshou Kamimura, një murg budist nga Tempulli “Takaosan Yakuouin”.
Historikisht, ky tempull është një vend i rëndësishëm për t’u lutur.
Festivali, i quajtur hiwatari matsuri në Japonisht, ka një histori rreth 50 vjeçare në Takaosan.
Murgjit i vënë flakën drurit dhe gjetheve të selvisë japoneze, duke krijuar një zjarr të madh. Më pas murgjit fikën flakët me ujë, mblodhën prushin dhe i vendosën në dy shirita, mbi të cilët ecnin zbathur ndërsa këndonin.
Adhuruesit ndoqën murgjit, me maska. Disa murgj mbanin fëmijët e vegjël mbi prush.
Numri i rasteve të koronavirusit në Japoni është relativisht i ulët krahasuar me vendet e tjera si Shtetet e Bashkuara, megjithëse disa zona përfshirë Tokion janë ende nën një gjendje të jashtëzakonshme, me vendin që është në një valë të tretë të pandemisë.\Reuters\
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje